Hold og lyndi hava ikki altíð sama lit
- V. Poulsen

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Onnur tíðindi

Sunda kommuna: Fíggjarætlanin javnvigar við 105 mió. kr.

Barnafrádrátturin hækkaður úr kr. 5.000 til kr. 6.000,  meðan skattaprosentið og dagstovnagjøldini eru tey somu sum undanfarin ár.  Skuldin verður niðurgoldin við 10 mió. kr. og kommunan ger íløgur fyri 7,4 mió. kr.

Í sínum íløguraðfestingum hevur býráðið sett pening av til at ígongdseta arbeiðið innan útstykking og kirkjugarðar, samstundis sum kloakkirnar í Tjørnuvík, Haldórsvík og við Norðskála skulu gerast lidnar. Eisini er umvæling av skúlanum á Langasandi og í Hvalvík raðfest. Samtykt varð í 2020 at Tónlistaskúlin Norðljómur skal húsast í niðaru lon í Skúlanum við Streymin. Har er peningur settur av til at innrætta hølini soleiðis at karmarnir vera góðir. Harumframt eru pengar settir av til bátahylin á Oyrarbakka og eisini fær tekniska øki eina hægri raðfesting. Í 2020 var farið undir at dagføra kommunuskrivstovuna. Á fíggjarætlanini fyri 2021 eru pengar játtaðir at gera hetta arbeiðið liðugt.

Mettu skattainntøkurnar fyri 2021 eru 74,8 mió kr., umframt eftirlønarskatt á 17,5 mió. kr., sum samanlagt geva 92,3 mió kr. Rakstrarútreiðslurnar eru mettar til 78,8 mió. kr.

Niðanfyri verða høvuðstølini í fíggjarætlanini fyri 2021 lýst.

Samlaða Fíggjarætlan 2021 kann síggjast HER

Um tú veitst okkurt, sum VP ikki veit - skriva so til vp@vp.fo