Onnur tíðindi
Ógvusligar mótmælisgongur ímóti koronaavmarkingum hava verið alt vikuskiftið í fleiri býum í Niðurlondum, og í gjár frættist at fimm politistar endaðu á sjúkrahúsi, tí teir fingu skaða tá teir royndu at tryggja lóg og landaskil.
Mótmælisfólkini tveittu við fløskum og múrsteinum og eldur var settur á bilar. Bæði í Rotterdam, Amsterdam og í Haag hevur verið ófriðarligt.
Avmarkingarnar í Niðurlondum fevna millum annað um kravt koronapass, ongar áskoðarar til dystir, í mesta lagi 4 vitjandi og at matstovur o.l. stongja tíðliga á kvøldi.
Um tú veitst okkurt, sum VP ikki veit - skriva so til vp@vp.fo
