Ikki færri enn fimm ferðir síðstu nátt varð sjúkrabilur sendur eftir fólki, sum í náttarlívinum so ella so vóru komin illa fyri. Tað sigur vakthavandi á politistøðini í Havn. Í tí eina førinum hevði viðkomandi tikið vandamikil rúsevni, og var blivin so mikið illa fyri, at hann ella hon mátti undir læknahond. Hetta hendi á G-festivalinum, har annars alt gekk fyri seg sum tað átti, sambært vakthavandi.
- Eitt fólk sýndi so mikið skeivan atburð, at gjørt varð av at taka viðkomandi við á støðina, men ongin sak spyrst burturúr, sigur vakthavandi.
Hann sigur eisini, at nú festival gestirnir á tjaldingarøkinum so smátt fara at fáa eygu aftaná stóra dagin í gjár, fer politiið at vera til staðar og tryggja, at ongin fer at koyra bil við kenning.
Um tú veitst okkurt, sum VP ikki veit - skriva so til vp@vp.fo
