Nú verður loyvt at gera 5 útskiftingar í m.a. UEFA Nations League - Mynd: Hans Erik Danielsen
Nú verður loyvt at gera 5 útskiftingar í m.a. UEFA Nations League - Mynd: Hans Erik Danielsen
Nú verður loyvt at gera 5 útskiftingar í m.a. UEFA Nations League - Mynd: Hans Erik Danielsen
FSF: Tá A-landsliðið við monnum tekur ímóti Lettlandi á Tórsvølli leygardagin 10. oktober, fær Håkan Ericson, landsliðsvenjari, møguleikan at gera brúk av fleiri spælarum, enn tað higartil hevur verið loyvt í einum og sama dysti.
Evropeiska fótbóltssamgongan, UEFA, hevur nevniliga avgjørt, at frá komandi dystum í UEFA Nations League verður loyvt at gera fimm útskiftingar.
Reglurnar eru galdandi fyri UEFA Nations League, í EM-undankappingini hjá kvinnum, í bólkaspælinum í Champions League og Europa League, umframt innleiðandi dystunum í Champions League hjá kvinnum.
Tó eru reglurnar soleiðis, at tað bert er loyvt at gera tríggjar steðgir undir dystinum til at fremja tær í mesta lagi fimm útskiftingarnar.
Um tú veitst okkurt, sum VP ikki veit - skriva so til vp@vp.fo
