Ein bólkur av donskum og norskum ríkisborgarum er í kvøld evakueraður úr afghanska høvuðsstaðnum, Kabul, men tað hevur sum skilst verið alt annað enn lætt.
Hóast talibanarnir hava lovað eina friðarliga kollvelting, so frættist frá fleiri særdum í floghavnini í Kabul, har nógv túsund fólk eru stúgvað saman, tí tey royna at koma sær úr landinum. Tey sleppa heldur ikki úr floghavnini aftur, uttan at greiða taliban frá ørindunum har.
Danski verjumálaráðharrin, Trine Bramsen, upplýsur á Twitter, at hon ikki hevur meira at leggja afturat.
Forsvarsminister Trine Bramsen: “Jeg kan oplyse, at det søndag aften, under meget vanskelige vilkår, lykkedes Forsvaret at evakuere en gruppe danskere og nordmænd ud af Afghanistan. Jeg har for nuværende ikke yderligere at oplyse om operationen.” #dkpol
— Forsvarsministeriet/Danish MoD (@Forsvarsmin) August 15, 2021
Um tú veitst okkurt, sum VP ikki veit - skriva so til vp@vp.fo
