Tilsamans trý fólk hava latið lív og fleiri hava fingið skaða av skotsárum, eftir tvær ymiskar hendingar, har skotið varð frá hond á amerikanskum skúlum í gjár.
Í tí eina førinum doyðu tveir politistar, sum arbeiddu sum vaktarmenn á skúlanum. Tað var í statinum Virginia. Ein 27 ára gamal maður er síðani tikin, eftir at hann tók til rýmingar frá staðnum. Maðurin var særdur av skotsárum, helst frá politistunum, hann beindi fyri.
Eisini í Minnesota var ein líknandi hending í gjár. Tveir mans fóru at skjóta ímóti einum skúla og raktu fólk uttanfyri skúlan. Eitt fólk lat lív. Menninir rýmdu síðani í einum bili, men eru nú handtiknir. Tann dripni er sonur ein kendan Black Lives Matter aktivist.
Um tú veitst okkurt, sum VP ikki veit - skriva so til vp@vp.fo