Sjey fólk í Ullensaker kommunu og onnur seks fólk í Sandnes eru staðfesta smittað við korona virusinum, hóast at fólkini eru liðugt koppsett.
Tað skriva norskir miðlar.
Í øllum førum er kopppingarevni frá Pfizer-Biontech brúkt.
Eitt av fólkunum, sum øll eru 80 ár ella eldri, er nú deytt við smittuni í kroppinum, ímeðan hini hava tað gott, verður sagt.
Læknarnir halda, at orsøkin til at fólkini verða smittað hóast tey eru koppsett er, at jú eldri ein er, jú verri virkar koppingarevnið.
Danskar kanningar hava víst, at ímeðan vaksinan var 90 prosent effektiv hjá starvsfólkunum so var hon bara 64 prosent effektiv tá tað kom til búfólkið á einum røktarheimi.
Um tú veitst okkurt, sum VP ikki veit - skriva so til vp@vp.fo
