Felagið Heimafriður hevur seinasta døgnið fingið met nógvar klagur um gang frá skipum í Runavík.
Klagurnar eru frá borgarnum á Glyvrum, Saltangará og í Runavík.
Fólk hava ikki fingið, hvørki heimafrið, hvíld ella náttarfrið.
Fleiri hava als ikki sovið, onnur hava sovið lítið og summi eru flýggjað á miðjari nátt.
Klagurnar umfata larm og royk. Roykurin er so skarpur, at tað svíður í bæði eygum og nøs, siga tey, ið klaga.
Fólk í Runavíkar kommunu leita eftir heimafriði, men finna ongan.
Felagið Heimafriður tekur allar klagur í størsta álvara og arbeiðir støðugt fyri at fáa Runavíkar kommunu at taka neyðugu stigini til at koma trupulleikanum til lívs.
Vegna felagið Heimafriður
Trina Eysturoy, forkvinna
Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.
Um tú veitst okkurt, sum VP ikki veit - skriva so til vp@vp.fo
