Eldávaringarskipanin á hotel Hilton Garden Inn í Havn fór frá, og gestir og starvsfólk vórðu biðin um at fara út í tún ímeðan greiða fekst á støðuni.
- Men tað var ongantíð nakar vandi, og talan var um "falskan alarm", sigur Martin Restorff, stjóri, við VP.
Tey hava regluligar brandvenjingar á gistingarhúsinum, so tey vita altíð hvussu ein slík støða skal handfarast.
- Tað er ein føst mannagongd sum millum annað inniber, at øll skulu út, hóast ongin eldur er, sigur Martin Restorff í stuttari viðmerking.
Hann leggur afturat, at nógv fólk búgva á hotellinum í hesum døgum.
- Vit hava havt at kalla fult hús í bæði juli og august, og tað fegnast vit sjálvsagt um, sigur hann.
Um tú veitst okkurt, sum VP ikki veit - skriva so til vp@vp.fo