Nærum 1.000 næmingar og starvsfólk fara at hava sína dagligu gongd í Skúlanum á Fløtum, sum alment verður tikin í nýtslu í dag.
Talan er um stóran og hugtakandi bygning, har trý floksspor verða frá forskúla til 7. flokk, og 8. og 9. flokkur verður 5-sporaður.
Rundanum allan skúlan er ein reyð 500 metra long rennibreyt við ljósi allan vegin.
Fyrstu skúladagarnir eru merktir av hátíðarhaldi. Í dag verður gingið í skrúgongu í nýggja skúlan. Skúlaleiðslan skrivar soleiðis á heimasíðuni:
Forskúli, 1.fl og 2.fl møta í Kongagøtu kl 8. 3.fl - 9.fl møta á Frælsinum kl 10. Síðan fara vit øll starvsfólk í skúla og frítíðarskúla saman við okkara næmingum í skrúðgongu niðan í Hans Andriasar gøtu.
Um tú veitst okkurt, sum VP ikki veit - skriva so til vp@vp.fo
