Føroyar gjørdust nummar 31 á Hvítalista hjá Paris MoU, europeiska felagsskapinum fyri sjóvinnufyrisitingar, í fjør. Føroyar eru sostatt fluttar 8 pláss upp á listanum hetta árið.
Hetta er ein nógv betri støða enn fyri nøkrum árum síðani, og støðan hjá Føroyum hevur týdning, eitt nú fyri marknaðarføringina av altjóða føroysku skipaskrásetingini, FAS.
Paris MoU grundar sítt yvirlit á eftirlit, gjørd í havnum har skipini koma, og har kannað verða ymisk viðurskifti sum hava við trygdina at gera. Paris MoU kann eisini afturhalda skip, um viðurskiftini ikki eru í lagi.
Sjóvinnustýrið hevur sum mál, at Føroyar skulu vera ímillum 10 tey bestu londini á listanum hjá Paris MoU.
Um tú veitst okkurt, sum VP ikki veit - skriva so til vp@vp.fo