Bæði hjá føroyskum ítróttarfeløgum og innan sersambondini í ÍSF gongur tað við rúkandi ferð fram ímóti málinum, sum er minst 40% kvinnur í nevndunum áðrenn 2030. Fyrsta málið, sum er minst 30% kvinnur áðrenn 2025 er longu rokkið.
Við miðilin Around the Rings sigur Elin Heðinsdóttir Joensen, forseti, at tað hevur stóran týdning fyri føroyskan ítrótt, at javnstøða valdar.
- Í summum greinum, eitt nú innan fimleikin, eru 90% av leiðarunum kvinnur, ímeðan aðrastaðni, eitt nú innan skjóting, er støðan ein onnur, so her er framvegis nógv at tríva í áðrenn vit eru komin á mál, men eg fegnist um, at vit beint nú eru væl frammanfyri málið, sigur hon.
Um tú veitst okkurt, sum VP ikki veit - skriva so til vp@vp.fo