Ein nýggj sending við koppingarevninum frá Pfizer/BioNTech kom við flogfarinum mikukvøldið, og í gjár varð koppsetingin tikin uppaftur.
Tilsamans 760 koppsetingar vórðu gjørdar í gjár. Tað er met. 638 fólk fingu fyrra prikið og 122 fólk fingu seinna prikið.
Fyrrapartin vórðu búfólk og avvarðandi á bústovnum hjá Almannaverkinum í Runavík, Klaksvík og Tórshavn koppsett. Seinnapartin vórðu m.a. fólk 65 ár og eldri, sum eru heimabúgvandi og fáa persónliga røkt, koppsett á á teimum trimum sjúkrahúsunum.
Nú eru íalt 8.832 koppsetingar gjørdar í Føroyum. 4.901 fólk hava fingið fyrru koppsetingina. 3.931 fólk hava fingið seinnu koppsetingina og eru liðugt koppsett.
Um tú veitst okkurt, sum VP ikki veit - skriva so til vp@vp.fo