- Tað er beinleiðis skeivt, tá In.Fo í dag rør uppundir, at Fólkaflokkurin er ímóti avtaluni við donsku stjórnina um at seta upp ein lofteftirlitsradara í Føroyum.
- Fólkaflokkurin er av teirri áskoðan, at Føroyar hoyra til Vesturheimin og at vit tí eisini skula luttaka í verjuni av vesturheiminum. NATO hevur tryggjað okkum friðin í Vesturheiminum síðani Seinna Heimsbardaga, sigur Christian Andreasen, formaður í Fólkaflokkinum.
- Hinvegin hava okkara limir i Uttanlandsnevndini víst á nøkur viðurskifti, sum áttu at verið avgreidd, áðrenn lofteftirlitisradara-avtalan varð undirskrivað, men hetta merkir ikki, at Fólkaflokkurin er ímóti, at lofteftirlitisradarin verður settur upp í Føroyum.
- Persónliga eri eg sera fegin um, at hetta mál nú er avgreitt, sigur Christian Andreasen, formaður í Fólkaflokkinum í stuttari viðmerking til VP.
Um tú veitst okkurt, sum VP ikki veit - skriva so til vp@vp.fo