Myndugleikarnir á kendu og væl umtóktu griksku frítíðaroynni Mykonos hava tikið tað óvanliga stigið at banna øllum tónleiki á matstovum, handlum, barrum og líknandi støð, og tað verður gjørt til tess at halda korona smittuni niðri, skriva fleiri miðlar.
Hugskotið er, at um ongin tónleikur er sum kann forða fyri at fólk hoyra hvat verður sagt, so er eisini lættari at halda frástøðu.
Á Mykonos búgva eini 10.000 fólk, men har vitja yvir ein millión ferðafólk hvørt ár. Í seinastuni er talið á smittaðum vaksið sera nógv á oynni.
Umframt at banna tónleiki er heldur ikki loyvt at ganga úti ímillum klokkan eitt um náttina og seks á morgni.
Um tú veitst okkurt, sum VP ikki veit - skriva so til vp@vp.fo