Kl. 18 í kvøld verður stór fiskikapping á Kósabrúnni. Kl. 19 koma bátar og skip at bryggjuni og síðani verður vatnkríggj á Vánni.
Í samband við vatnkríggi er umráðandi at øll eru í bjargingarvestum, og børn skulu verða saman við vaksnum, tá farið verður umborð á bátarnar.
Eyðstein Poulsen frá Føroya Sjómannadegi hevur ábyrgd av vatnkrígginum og verður umborð á Brimli. Allir bátar skulu lurta á kanal 6 á VHF.
Um Brimil floytar, má allur aktivitetur steðga, bátar og skip leggja stilt og sløkkiliðini steðga sínum aktiviteti.
Vatnballónir eru einans ætlaðar til vatnkríggið á landi.
Sløkkilið og bátar við spulislangum mugu ikki sproyta við samlaðari strálu beinleiðis eftir fólki.
Tilmelding til fiskikapping og vatnkríggj er í Norðoya Sparikassa.
Um tú veitst okkurt, sum VP ikki veit - skriva so til vp@vp.fo
