Tað er ikki órealistiskt, at Grønland kann gerast limur í UEFA og FIFA, heldur forsetin í føroyska fótbóltssambandinum Christian Andreassen.
Tað skrivar Sermitsiaq.
Eftir at hava flogið í ovaru luftløgunum kom føroyska fótbóltslandsliðið niður á jørðina aftur í dystinum móti Portugal.
Og í Grønlandi droyma tey eisini um at síggja heimsstjørnur spæla fótbólt. Og tað er ikki órealistiskt, heldur tann føroyski fótbóltsbossurin.
- Eg havi ilt við at síggja, hví Grønland ikki skal fáa limaskap, um Grønland søkir og hevur síni ting í ordan, sigur Christian Andreassen við Sermitsiaq.
Um tú veitst okkurt, sum VP ikki veit - skriva so til vp@vp.fo