Tiltøk
Í morgin, sunnudagin 4. desember, er árliga føroyska jólagudstænastan í Oslo.
Gudstænastan, sum byrjar klokkan 16, verður í ensku kirkjuni, St. Edmunds Church, Møllergata 30 í Oslo. Hendan kirkjan hevur verið brúkt til føroysku jólagudstænastuna í fleiri ár.
Gudstænastan, sum vinafelagið Norsk-færøysk lag skipar fyri, hevur verið hildin á hvørjum ári siðani fyrst í nítiárunum.
Prestur er Poul Heri Midjord. Kirkjukaffi er aftaná gudstænastuna.
Hetta skrivar Norsk-færøysk lag í tíðindaskrivi.
Um tú veitst okkurt, sum VP ikki veit - skriva so til vp@vp.fo
