Millum tey á allar ovastu rók í Grønlandi eru Kim Kielsen, landsstýrisformaður, Julia Pars, stjóri í Visit Greenland og Martin Birkmose Kviesgaard, stjóri í Grønlandsbankanum. Eisini stjórarnir í Greenland Holding, Karsten Høy, Arbeiðsgevarafelagnum, Brian Buus og Air Greenland, Jacob Nitter Sørensen, verða nevnd.
Nógv donsk nøvn, og tey atfinningarsomu siga eisini, at frágreiðingin manglar nógv og er alt ov donsk, skrivar miðilin Altinget.
Tey 123 fólkini sum verða nevnd í frágreiðingini røkja tilsamans 701 størv við stórum valdi bæði innan tað privata vinnulívið og almennu umsitingina, og eru harvið tey valdmiklastu í Grønlandi, staðfestir frágreiðingin.
Tað eru granskarar við Roskilde Universitet og CBS sum hava gjørt frágreiðingina.
- Øll samfeløg mugu hava áhuga í gjøgnumskygni og í at vita, hvør tað er sum tekur avgerðirnar, sigur ein av granskarunum sum hava skrivað.
Um tú veitst okkurt, sum VP ikki veit - skriva so til vp@vp.fo