Vit ávirka ikki vindættina, men kunnu ofta seta seglini til rætta kós
- Dolly Parton

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Mítt tastatur

Í vikuskiftinum frættist, at Framsókn hevði havt landsfund.

Spennandi var at frætta, hvat hesin alternativi flokkur boðaði frá, nú hann skjótt 2 ár hevur sitið við valdinum.

Flokkurin, ið skuldi “røra í grýtuni”, byggja brýr og byggja tíðarhóskandi samfelag og annað orðaskreyt – men sum kortini bara hevur víst seg vera oyralifr. 

Tí hvat fingu vit so? Jú, flokk sum bleiv álitið hjá mest kollektivistisku samgonguni síðani sosialistiska landsstýrið í áttatiárunum - hon sum koyrdi landið á húsagang.

Vit fingu samgongu, sum undan valinum skuldi rulla samfelagið aftur til 2011, men síðani er lopin frá øllum teimum lyftunum, og sum ístaðin rósar sær av framgongdini, ið tey ongan lut eiga í.

At “røra í grýtuni” vísti seg ístaðin at vera ætlan at kollrenna høvuðsvinnurnar og so annars at flyta útreiðslur av fíggjarlógini til løntakarar og vinnu at rinda við hækkandi gjøldum fyri at kamuflera gallopperandi almennan vøkstur, har skurðurin í fólkapensiónini man vera tann mest eyðsýnda kreativa flytingin um, hvussu kamuflasjan verður gjøgnumførd.  

Í miðlunum boðar formaðurin frá, “at avgerðirnar sum flokkurin í samgongu hevur tikið, samsvarar væl við tey virði, sum eru okkara. Vit eru verri enn so komin á mál, men vit eru á rættari kós.”

Eg meini tað!

Eisini varð avdúkað, at Framsókn ikki kann samstarva við Fólkaflokk, Samband, Miðflokk og Sjálvstýri, sum sambært tíðinda-polimikkinum í útvarpinum ikki vilja røra í somu grýtu sum Framsókn?

Serliga fekk Sambandið skuldina fyri at vera óálítandi, tí marknaðargrundaði fiskivinnureformurin hjá monopoul-listunum nú skvaggar í samgongubaljuni, tí summir samgongulimir eru ill-loyalir?

Altso, Framsóknar-alternativið, sum ikki er annað enn læntir fjaðrar, boðar nú alment frá, at sosialistiska samstarvið við Javnaðarflokkin og Tjóðveldi gevur politikkinum hjá Framsókn rúmd og møguleika at røkka langt – og um hesi málini ikki verða rokkin, so hevur andstøðan og serliga Sambandið skuldina?

Hetta var so landsfundurin hjá Framsókn, sum í tíðindunum í vikuskiftinum mest av øllum minti um politiskt slitna aftursøgn.

Ad-hoc toymið

Hetta er ein oddagrein. VP hevur frælslynta sjónargrein, sum stundum kemur til sjóndar í oddagreinunum.

Um tú veitst okkurt, sum VP ikki veit - skriva so til vp@vp.fo