Hold og lyndi hava ikki altíð sama lit
- V. Poulsen

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Lesarin skrivar

Tað er avgerandi, at tiltøk verða sett í verk, sum forða fyri, at samfelagshjólini ikki steðga heilt, nú COVID-19 ger um seg kring allan heim. Vandi er fyri, at sjúkan fær stórar avleiðingar fyri føroyska búskapin, og tí eru vit í Framsókn fegin um, at Landsstýrið tekur stig til fyrsta hjálparpakkan, sum skal lætta um hjá vinnuni á fleiri økjum.

Í Framsókn kenna vit ábyrgd og fara tí konstruktivt til verka. Vit fara at gera okkara til, at rættar avgerðir verða tiknar. Vit hava kunnað løgmann um, at vit taka undir við teimum trimum lógaruppskotunum, vit longu nú vita, koma í tingið. At dagpeningaskipanin verður víðkað, mvg-avrokningin fyri fyrsta ársfjórðing verður útsett, og Als kemur at rinda teimum lønarendurgjald, sum verða rakt av støðuni.

Enn er ikki vist, at málið viðvíkjandi statsgaranteraðum lánum úr danska Vækstfondinum kemur til viðgerðar í tinginum. Hetta er fyri okkum ein sera prinsipiellur spurningur, og okkara ynski er, at málið verður lýst væl, herundir eisini møguligar føroyskar loysnir.

Enn einaferð, vit fara at gera okkara til, at vit koma ígjøgnum hesa sváru tíð so væl sum gjørligt, og leggja áherðslu á, at samfelagshjólini so vítt møguligt kunnu mala, hóast ferðin er sett niður

Ruth Vang

Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.

Um tú veitst okkurt, sum VP ikki veit - skriva so til vp@vp.fo