Ikki fyrr enn ein sær, hvussu barnabørnini taka seg upp, fær ein at vita, um ein hevur uppalt síni børn væl
- Erich Maria Remarque

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Onnur tíðindi

Samlað útlátið av vakstrarhúsgassi í 2020 var 1,3 mió. eindir av CO2, sum er 4,7% hægri enn í 2019. Eftir at útlátið av vakstrarhúsgassi, serliga CO2, var rættiliga støðugt fram til 2016, øktist útlátið ógvusliga í 2017 við nærum 20%. Í 2018 var vøksturin 12%, í 2019 6 % og í fjør var vøksturin sum nevnt knøpp 5%. Seinastu fýra árini er útlátið vaksið meira enn 25%.

Um vit ikki rokna bunkringar hjá útlendskum fiskiskipum við, var útlátið í 2020 1,0 mió. tons av CO2 eindum, sum er 3,6 % hægri enn í 2019 og vøksturin seinastu fýra árini hevði verið knøpp 50 %.

Í Føroyum eru tríggjar høvuðkeldur til útlát av vakstrarhúsgassi: 

• Orka (brenning av olju og burturkasti) –  87,3 %

• Nýtsla av F-gassi –  10,4 %

• Landbúnaður –  2,3 %

Økt oljunýtsla, men eisini øking í útlátinum av F-gassi, eru høvuðsorsøkirnar til, at samlaða útlátið er økt síðani 2017.

Áleið 87 % av samlaða útlátinum av vakstrarhúsgassi í 2020 stavaði frá nýtslu av brennievni. Nýtsla av brennievni kann skipast í átta brúkarabólkar. Blái parturin í myndini niðanfyri vísir býtið millum brúkarabólkarnar, settir upp eftir stødd.

Eins og vanligt, áttu fiskiskipini eisini í 2020 størsta partin, góð 40 %, av samlaða útlátinum av vakstrar¬húsgassi. Býtið millum føroysk og útlendsk fiskiskip er nærum helvt um helvt, tey útlendsku hava tó munin. Útlátið frá fiskiskipum øktist við 1,7 % í 2020 í mun til 2019.

Næststørsti bólkurin var el- og hitaframleiðsla, sum átti 14 % av samlaða útlátinum. Útlátið frá elframleiðslu øktist 0,8 % í 2020 í mun til 2019

Ein annar stórur bólkur vóru F-gass, sum áttu 10 % av samlaða útlátinum. Vøksturin frá 2019 til 2020 er roknaður til at vera 1,4 %.

Í mun til fiskiskip, har møguleikarnir at minka um útlátið eru meira avmarkaðir, so ber munandi betri til at minka um útlátið av CO2 frá elframleiðslu og at minka um nýtslu av F-gassi. 

Nýggjastu tølini vísa enn einaferð á stóra tørvin á at seta tiltøk í verk at skerja útlátið av CO2 og øðrum vakstrarhúsgassi. Í uppskotinum til orku- og veðurlagspolitikk, sum var til hoyringar í vár, varð mælt til 25 átøk at seta í verk fyri at leggja um til varandi orkukeldur og fyri at minka samlaða útlátið av CO2  Les uppskotið her 

Les nærri um uppgerðina í nýggjari frágreiðing frá Umhvørvisstovuni

Um tú veitst okkurt, sum VP ikki veit - skriva so til vp@vp.fo