Ein nýggj lóg sum forbjóðar sølu av frukt og grønmeti sum er pakkað inn í plast, er í dag komin í gildi í Frankaríki.
Emmanuel Macron, forseti, hevur kallað forboðið fyri "eina sanna kollvelting" og hann hevur eisini sagt, at Frankaríki ætlar at banna øllum plastvørum í seinasta lagi í 2040.
Higartil er ein triðingur av øllum grønmeti og allari frukt í Frankaríki selt í onkrum slagi av plastpakningi, men tað skal so nú broytast. Undantøk eru tó, eitt nú tá talan er um vøru í heilsølu, ella vøru sum er skorin ella á annan hátt tilvirkað.
Frankaríki hevur longu forbjóðað eitt nú súgvipípum og skaffigreiðum sum eru gjørd úr plasti. Seinni í ár verður krav at fleiri drekkikranar skulu setast upp á almennum støðum, so fólk, sum eru tyst, ikki skulu noyðast ganga við vatnfløskum úr plasti.
Fleiri onnur ES lond, eitt nú Spania, væntast at fara at ganga í fótasporunum hjá Frankaríki komandi árini.
Um tú veitst okkurt, sum VP ikki veit - skriva so til vp@vp.fo
