Vátt er komið í reiðrið eftir at Australia hevur avlýst eina avtalu um keypa kavbátar frá Frankaríki og heldur keypir teir úr USA.
Talan er um ein sáttmála frá 2016 ímillum Australia og Frankaríki, og hann var verdur einar 230 milliardir krónur, skrivar AFP. Men tá USA, Australia og Stórabretlandi fyri nøkrum døgum síðani kunngjørdu eina nýggja ætlan um samstarv innan verju fór sáttmálin við Frankaríki í vaskið.
Franski uttanríkisráðharrin, Jean-Yves Le Drian (myndin), sigur, at hetta er sum at fáa ein knív í ryggin og álitið ímillum londini hevur fingið álvarsligan skaða.
Tey trý londini ætla nú at kyrra Frankaríki á ST aðalfundinum sum byrjar í næstu viku.
Um tú veitst okkurt, sum VP ikki veit - skriva so til vp@vp.fo
