Tað var sera friðarligt í býnum í Havn síðstu nátt. Tað sigur vakthavandi á politistøðini í Havn.
- Burtursæð frá onkrum sjúkrabili sum vit sendu eftir onkrum sum var dottin, so var alt sera friðarligt.
Sostatt munnu tey ballingarglaðu hava gjørt burturav sær á ólavsøku, sum júst er farin aftur um bak, kann ein niðurstøða kanska vera.
Brunaserfrøðingar úr Danmark eru á veg til Føroya, teir skulu fyrst og fremst kanna bussin sum eldur kom í á Karlamagnusarbreyt herfyri.
- Tað er tryggingin sum hevur umbiðið kanningina, og nú viðkomandi er her, fer hann helst eisini at hyggja at húsunum sum brendu á Velbastað í gjár, tó at tað neyvan er nakar ivi um hvør orsøkin var í tí førinum, sigur vakthavandi.
Um tú veitst okkurt, sum VP ikki veit - skriva so til vp@vp.fo