Vit ávirka ikki vindættina, men kunnu ofta seta seglini til rætta kós
- Dolly Parton

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Onnur tíðindi

Tórshavnar kommuna: Almannaverkið og Tórshavnar kommuna hava gjørt avtalu um, at Almannaverkið leigar stóran part av skúlanum á Frúutrøð til at veita frítíðartilboð til børn við serligum tørvi.

Heðin Mortensen, borgarstjóri, sigur, at kommunan hevur fingið nógvar hjartanemandi fráboðanir frá foreldrum og avvarðandi um keðiligu støðuna, nú Almannaverkið ikki hevur kunnað veitt frítíðartilboð til børn við serligum tørvi í tann mun, ið tørvur hevur verið á.

- Vit frættu, at tað vóru eini 20 børn bara í Tórshavnar kommunu, sum ikki fingu frítíðartilboð. Kommunan setti seg so í samband við Almannaverkið fyri at fáa betri fatan av trupulleikanum, og vit hava síðan í góðum samskifti funnið eina góða loysn, sigur Heðin Mortensen.

Edvard Heen, stjóri í Almannaverkinum, fegnast eisini um avtaluna.

- Tórshavnar kommuna hevur víst stóra ábyrgd við hesi góðu hjálp til Almannaverkið, og sum kemur borgarunum í kommununi til góðar, sigur stjórin.

Annfinn Brekkstein, formaður í mentamálanevndini, er glaður um, at felags loysn kundi fáast á málinum.

- Tað kennist gott at vita, at foreldur og børn nú kunnu kenna seg viss um, at Almannaverkið hevur góðar karmar til frítíðartilboðið næstu árini, sigur formaðurin í mentamálanevndini.

Leigumálið er umleið fimm ár. Kommunan hevur í eina tíð viðgjørt møguleikan at byggja íbúðir í økinum. Heðin Mortensen, borgarstjóri, sigur, at fyrst skal heildarætlan og býarskipan fyri Frúutrøð og Jónas Broncks gøtu gerast liðug, og hesar fyrireikingar halda fram. Leigumálið ávirkar heldur ikki tónleikavirksemið hjá GHM, sum er á loftinum.

Um tú veitst okkurt, sum VP ikki veit - skriva so til vp@vp.fo