At ferðast er at liva!
- Hans Christian Andersen

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Lesarin skrivar

Sambært upplýsingar á heimasíðuni hjá SSL verður vetrarhálvan lýst soleiðis, at bert ferðandi til Svínoyar hava møguleikan fyri at brúka tilkalling túrin kl. 18:30 og ikki Fugloyingar.

Hetta kann als ikki góðtakast og vilja vit sjálvandi hava, at hetta umfatar Fugloynna eisini, soleiðis tað er møguligt at ferðast aftur og fram til Fugloynna hendan túrin eisini.

Fleiri verkætlanir eru ígongd, sum krevja gott ferðasamband áðrenn veturin fótar sær, og tíðskil er tað umráðandi at hava henda møguleikan ístaðin fyri at gera verri.

Eisini tykist tað ikki sørt margháttligt, tá hugsa verður um, at Fugloyar kommuna hevur nýtt fleiri hundrað túsund til at betra um ljósviðurskiftini til lendingarnar – nevniliga fyri at tryggja flutning vetrarhálvuna eisini.

Annars haldi eg at tíðin er komin til at endurskoða fyrisitingina av farleiðunum, serliga oyggjaleiðunum í Norðoyggjum, tí tað kemur alt ov ofta fyri, at fatanin av at reka eina nøktandi farleið til Fugloynna og Kalsoynna, vantar ella er ikki til staðar.

Eg vil staðiliga heita á avvarandi mynduleika um at fáa hesa rætting framda beinanvegin, tað vil siga, at Fugloyingar fáa møguleikan til at nýta tilkalling kl. 18:30 fram til 30.09.2020 á leið 58.  

Símun Gullaksen

Um tú veitst okkurt, sum VP ikki veit - skriva so til vp@vp.fo