Tað var tá Smyril skuldi leggja at um middagsleitið at fólk varnaðust ein deyðan mann sum fleyt á sjónum. Skjótt varð borið at, og bæði løgregla og sjúkrabilur kom á staðið, men eftir lítlari løtu bar til at staðfesta, at viðkomandi var deyður.
Eygnavitni á staðnum hava greitt VP frá, at eitt fólk var fingið upp úr sjónum, lagt á eina børu, teppi lagt útyvir, og so var friður.
Tann deyði er eyðmerktur og tey avvarðandi hava fingið boðini.
Á facebookvanganum sigur politiið millum annað, at fleiri kanningar verða gjørdar, og hevur politiið tí ikki fleiri viðmerkingar í løtuni.
Maðurin var í fimmtiárunum.
Um tú veitst okkurt, sum VP ikki veit - skriva so til vp@vp.fo