Enna Garðshorn Mikkelsen, cand. mag. í evropeiskari etnologi heldur fyrilestur á Landsbókasavninum týskvøldið 24. november kl 20:00. Í sambandi við at mentanarfrøðiliga bókin hjá henni um kópakvinnusøgnina í alheims skapi nú er komin út á trimum málum, og framsýningina "Skaldskapur av mannamunni" sum Søvn Landsins lat upp 3. september á Landsbókasavninum.
Søgnin um kópakonuna sigur okkum, hvussu fólk ímyndaðu sær eitt og annað í gamla bóndasamfelagnum.
Søgnin kann eisini takast úr hesum søguliga samanheingi og knýtast at vanligum royndum, sum nútíðarmenniskju gera sær. «Kópakonan» leiðir okkum inn í girnd, kærleika, at vera øðrvísi, at vera noydd at skapa sær annan samleika, sakn og sorg, fyrigeving og revsing. Umframt tað snarar søgnin seg inn á ymsar merkingar og týdningar, hon hevur fyri okkum nú á døgum, eins og hon man hava havt fyri fólk í 1800-talinum, tá ið hon var niðurskrivað.
Ókeypis atgongd!
Um tú veitst okkurt, sum VP ikki veit - skriva so til vp@vp.fo
