Bæði hjá Minesto og SEV eru tey kúrr, men tvey skip eru komin til Vestmanna nú, so helst verður drekin settur út í næstum.
Í gjár kom niðurlendski arbeiðsprámurin Coastal Challenger á Vestmanna, og í dag kom so Dina Star sum er undir norskum flaggi.
Hetta er ikki fyrsta royndin sum er gjørd at seta út sjóvarfallsdrekan hjá svensku fyritøkuni Minesto, ið samstarvar við SEV. Í summar varð eisini roynt, men tá varð gjørt av at steðga á og gera ymsar ábøtur áðrenn roynt varð aftur.
Um tú veitst okkurt, sum VP ikki veit - skriva so til vp@vp.fo