Líkt er til, at fyritøkur sum skulu gjalda fyri at hava pening standandi á bók í peningastovnunum, sokallaða negativa rentu, kortini sleppa at draga hetta gjaldið frá í skattskyldugu inntøkuni.
Jørgen Niclasen, landsstýrismaður, hevur lagt fram uppskot um tað, og hann fær stuðul frá bæði Framsókn og Sjálvstýri.
TAKS segði, at soleiðis sum lógin er orðað, kundi henda útreiðsan ikki dragast frá, tí hon er ikki neyðug fyri at økja um ella halda fast við inntøkurnar hjá fyritøkuni.
Men ætlanirnar hjá landsstýrismanninum fáa undirtøku í Løgtinginum, og tí er væntandi, at tað verður samtykt har.
Um tú veitst okkurt, sum VP ikki veit - skriva so til vp@vp.fo