Fyrrverandi belgiski kongurin, 85 ára gamli Albert II, hevur nú viðgingið, at hann eigur eitt leysingabarn. Ímeðan hann var kongur kundi hann nokta at taka eina DNA roynd, men eftir at hann í 2013 gav trónuna til sonin kundi hann ikki longur nokta, og tí er eitt punktum nú sett fyri rættarmálið, sum dóttirin byrjaði í 2013 - sama árið kongurin legði frá sær.
Delphine Boël sum í dag er 51 ára gomul, hevur í 20 ár alment sagt seg vera dóttir kongin, sum púra hevur víst hesum frá sær. Í 2013 fór hon undir rættarmálið, og í fjør gekk fyrrverandi kongurin við til at gera eina DNA kanning.
Men um málið er endað er eitt sindur ivasamt, tí sum skilst ætlar Delphine Boël sær at vera javntsett við hini børnini tá arvurin skal býtast.
Um tú veitst okkurt, sum VP ikki veit - skriva so til vp@vp.fo