Búskapur & Vinna er heiti á nýggjari aktualitetssending á Televarpinum sum Johnny í Grótinum er vertur fyri.
Í fyrstu sending er orkuvinnan á breddanum, og tosað verður um føroysku orkufeløgini, samstundis sum ein roknskaparlig greining verður gjørd av Effo og Magn. Í eftirfylgjandi sendingum verður sjóneykan sett á fíggjarvinnuna, ferðavinnuna, fiskivinnuna og byggivinnuna.
Sjálvur sigur Johnny í Grótinum, at hann gleðir seg til hesa verkætlan, har hann næstu tíðina fer at viðgera viðkomandi samfelagslig evnir.
- Hóast lýsingarnar hjá Televarpinum eru verdar ein James Bond film, má eg beinanvegin lækkað væntanirnar til sendingarnar og siga, at hetta eru nokk so nørdasligar samrøður grundað á mítt búskaparfrøðiliga forstáilsi og forvitni, leggur hann afturat.
Fyrsta sendingin er á skránni mikukvøldið klokkan 19.
Um tú veitst okkurt, sum VP ikki veit - skriva so til vp@vp.fo
