Hann kom til valdið í 1999 tá hann við einum statkvetti koyrdi forsætisráðharran Nawaz Sharif frá. Síðani var hann forseti árini 2001 til 2008.
Nú er hann við ein dómstól í Islamabad dømdur frá lívinum, tí hann í 2007 setti undantaksstøðu í gildi, koyrdi tjóðartingið til hús og somuleiðis allar dómarar, sum søgdu undantaksstøðuna vera ólógliga.
Men hann kom í andróður millum fólk, og tá fyrsti kvinnuligi forsætisráðharri í einum muslimskum landi, Benazir Bhutto, í desember 2007 varð myrd, varð hann lagdur undir at standa aftanfyri, og mótstøðan ímóti honum vaks enn meira.
Síðani 2014 hevur Musharraf búð í útlegd í London og Dubai, og hann var tí ikki til staðar í rættinum tá hann fekk deyðadómin, og varð tí dømdur "in absentia" sum tað eitur.
Um tú veitst okkurt, sum VP ikki veit - skriva so til vp@vp.fo