Skemta ikki við ein og hvønn - smáar sálir taka alt í álvara
- úr Børkuvísum

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Vinna

Tórshavnar kommuna: Sunnukvøldið var móttøka við Skansabryggjuna, tá tikið varð ímóti Brúarfossi, sum endiliga varð doyptur – hátíðarhaldið er fleiri ferðir útsett orsakað av koronu. Heðin Mortensen, borgarstjóri, heltt stutta røðu.

Borgarstjórin nevndi, at hetta er ein søguligur dagur.

- Tí nú standa vit her: Hetta er fyrstu ferð, vit doypa eitt skip við nýggju Skansabryggjuna. So vit kunnu á ein hátt gott siga, at hetta er eitt slag av “vígslu”.

- Støðan er tann, at alt eystara havnaøkið nú verður skipað í eina heildarætlan. Vit eru spakuliga við at rudda Eystaruvág millum havnarskrivstovuna og Kongabrúnna fyri nærum alt verandi virksemi.

- Og sum frálíður flytir alt virksemið her út á Skansabryggjuna. So hetta verður skjótt eitt aktivt og sera spennandi umhvørvi.

- Flestum kunnugt er sáttmáli er gjørdur við Smyril Line, um at felagið saman við kommununi byggir ein stásiligan nýggjan terminal á nýggja økinum her uttanfyri havnarskrivstovuna.

- Vit fáa skjótt ein nýggjan innkomuveg til Havnina, sum fer at deila seg í fleiri frákoyringar oman í býin. Men Skansabryggjan og Eystarvág koma bæði sjóvegis og ferðsluliga annars at verða høvuðsportalurin inn í hjartað á Havnini.

- Og tit ganga undan við at seta skjøtul á virksemið her við Skansabryggjuna. Og tað frøir okkum.

- Brúarfoss kom longu á Havnina síðst í november í fjør. Men sum við so mongum øðrum, so varð hátíðarhald og dópur alt útsett vegna korona.

- Brúarfoss er systirskip hjá Dettifoss, sum verður doyptur í Íslandi. Brúarfoss er tað seinasta av skipunum, sum er sett í sigling.

- Faroe Ship sum felag hevur gjøgnum tíðina havt ómetaligan týdning fyri Havnina. Felagið er nú yvir 100 ára gamalt og er í dag dótturfelag hjá Eimskip-samtøkuni.

- Kortini hava tit varðveitt tykkara samleika og skipini eru skrásett í Føroyum. Skip sum hesi hava ómetaliga stóran týdning. Framtíðin krevur størri skip, sum tryggja regluligari og burðardyggum flutningi.

- Hetta, at skipini gerast størri, setir stór krøv til havnarløgini. Og fyri okkum í Havnini merkir hetta, at vit ikki steðga her, men at vit framhaldandi vera við í menningini. Vit fara saman við vinnuni skapa umstøður fyri áhaldandi vinnulívsmenning á økinum. 

- Tórshavnar havn brynjar seg eisini til leiklutin sum tilfeingisdepil í Norðurhøvum. Og vit arbeiða støðugt fyri, at Havnin fær størri lut í shippingvinnuni og fær umstøður at veita tryggar og dyggar tænastur, sum vinnuni tørvar.

- Eg fari her at enda at takka tykkum øll somlum fyri tykkara trúfesti og ynskja tykkum alt tað besta í vón um eitt framhaldandi frálíkt samstarv. Eisini ynskja vit Brúarfoss vælkomnum og blíðan byr og ynskja Guds signing yvir skip og manning, segði Heðin Mortensen, borgarstjóri, at enda.

Um tú veitst okkurt, sum VP ikki veit - skriva so til vp@vp.fo