Stóra sorgin er at gera sær greitt, at vit sjálvi eru orsøkin til alla okkara mótgongd
- Kinesiskt orðatak

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Tekstlýsingar

Starvið sum fyrstilærari í Kaldbaks skúla verður lýst leyst til setanar frá 1. august 2022.

Í Kaldbaks skúla eru 24 næmingar í 1. - 6. flokki og 6 næmingar í forskúla.

Tríggir lærarar starvast í skúlanum umframt vaskifólk og húsavørður.

Frá skúlaárinum 2022/23 verður forskúli / forskúla-líknandi tilboð í Kaldbaks skúla.

Um starvið
Fyrstilærarin hevur fyrisitingarligu og námsfrøðiligu leiðsluna og ábyrgd av virksemi skúlans.

Høvuðsuppgávurnar eru:
- at standa á odda fyri fakligari og námsfrøðiligari menning

- at fremja eina mennandi starvsfólkaleiðslu og virka fyri, at starvsfólk skúlans hava umstøður fyri fakligari menning

- at virka fyri trivnaði og góðum samstarvi við atliti at næmingum og starvsfólki skúlans 

- at skapa virðing fyri skúlanum og umstøður hjá tí einstaka fyri ávirkan og samábyrgd

- at fremja gott samstarv millum skúla og heim og eggja næmingum og foreldrum at fáa sum mest burtur úr skúlagongdini bæði fakliga og sosialt.

- At umsita fíggjar-, rakstrar- og málsstýring skúlans

Samstarvsskipan í Tórshavnar kommunu
Fyrstlærarin virkar í tøttum samstarvi við mentamáladeildina og trivnaðarfyrisitingina, umframt við aðrar deildir í kommununi eftir tørvi. Skipað samstarv er millum skúlaleiðararnar, har dentur er lagdur á, at skúlaleiðararnir í felag virka fyri at menna skúlaskapin í kommununi og samstarvið við avvarðandi partar.

Førleikakrøv
- Umsøkjarar skulu hava læraraútbúgving og starvsroyndir í fólkaskúlanum

- Leiðsluroyndir og skeið innan leiðslu eru ein fyrimunur

- Dugir at orða seg á góðum føroyskum máli og kann undirvísa í støddfrøði

- Hevur áhuga fyri avbjóðingum og førleika at taka neyðugar avgerðir

Setanarviðurskifti
Setanarøkið er undir Uttanríkis- og mentamálaráðnum við fyribils tænastu í Kaldbaks skúla. Tann, ið settur verður, eigur at tola broytingar í starvinum, sum eisini fata um møguligar  bygnaðarbroytingar.

Starvið er flokkað í lønarflokki 31.3 sambært avtalu millum Fíggjarmálaráðið og Føroya Lærarafelag.

Umsóknir
Umsókn saman við avriti av læraraprógvi, C.V. og viðmælum skal verða Uttanríkis- og mentamálaráðnum í hendi í seinasta lagi 30. juni  2022.

Sambært § 4, stk. 3, sbr. stk. 1 í løgtingslóg um barnaváttanir skal greitt tilskilast í starvslýsingum, at arbeiðsgevari hevur skyldu til at útvega barnaváttan, áðrenn setan verður framd. Tískil verður hervið kunnað um, at Uttanríkis- og mentamálaráðið hevur skyldu til at útvega barnaváttan, áðrenn viðkomandi persónur, ið stendur til at fáa starvið sum fyrstilærari í Kaldbaks skúla, verður settur í starvið. Í hesum sambandi verður eisini víst til kunning og vegleiðing á heimasíðu ráðsins, sbr. vegleiðing-um-barnaváttanir.docx (live.com).

Umsóknin verður stílað til:

Uttanríkis- og mentamálaráðið
Tinghúsvegur 5-7
Postrúm 3279
110  Tórshavn

ella við t-posti: ummr@ummr.fo  

Tey, ið ynskja fleiri upplýsingar um starvið, kunnu ringja til Jenny Lydersen, undirvísingarleiðara, tlf. 555044.

Uttanríkis- og mentamálaráðið hevur sum høvuðsuppgávu at fyrisita undirvísingarmál, mentamál,  gransking og uttanríkismál. Harafturat eru uppgávur m.a. viðvíkjandi kirkju, loftmiðlum og øðrum frítíðarvirksemi.

Um tú veitst okkurt, sum VP ikki veit - skriva so til vp@vp.fo