Tey fyrstu rúmdarferðafólkini eru nú send í ringrás kring jørðina. Túrurin, sum hevur fingið heitið "Inspiration 4 Mission", fer at vara einar tríggjar dagar, kostar eina tvísiffraða milliónaupphædd í dollarum, men ikki øll hava goldið fyri túrin, summi hava vunnið hann í eini kapping
Ferðin byrjaði í gjár, og hetta er fyrsta ferðin at ein manning, uttan nakrar serligar royndir í rúmdini, er farin í ringrás um jørðina. Líknandi túrar hava áður verið gjørdir, men tá hava teir bert vart í fáar minuttir, og talan hevur ikki verið um at fara í ringrás.
Rúmdarferjan fer í ringrás 575 kilometrar uppi, og tað er hægri enn vanligt, eitt nú liggur altjóða rúmdarstøðin ISS í 408 kilometra hædd. Ferðin í ringrásini er 28.000 kilometrar um tíman.
Um tú veitst okkurt, sum VP ikki veit - skriva so til vp@vp.fo
