Ríkar upplivingar bíða øllum borgarum í náttúruni kring Havnina. Nógv grøn øki eru í Tórshavnar kommunu, har øll kunnu ganga túrar í reinum og friðsælum umhvørvi.
Fleiri myndir frá túrinum eru at síggja á Facebook hjá kommununi.
Býráðslimir, náttúrufriðingarnevndin, skógfriðingarnevndin, starvsfólk í Tórshavnar kommunu og umboð frá Umhvørvisstovuni hava seinnapartin verið eina útferð í nøkrum grønu økjunum í kommununi.
##med2##
Á túrinum vísti býarskipanardeildin nakrar vakrar náttúrukílar í býnum. Gingið varð túr í Viðarlundini í Havnardali, framvið Sandá og í Djúpagili.
Kommunan hevur seinastu tíðina játtað munandi upphæddir til lendisgøtur – eitt nú í Havnardali og eisini framvið Sandá, har nú ber til at ganga úr Sandagerði og allan vegin framvið ánni niðan til bóndagarðin við Sandá.
Landslagið gevur á ymiskan hátt borgarunum í kommununi atgongd til fjølbroyttar og vakrar náttúruupplivingar - bæði í teirra nærumhvørvi og longri úti í náttúruni.
Eitt kort við øllum almennum gøtu í kommununi sæst HER.
Um tú veitst okkurt, sum VP ikki veit - skriva so til vp@vp.fo
