Tað er mótbrekka hjá felagnum Grant (fyrr H-Dygd) við heimstaði í Vatnsoyrum. Fjórða árið á rað er stórt hall á botnlinjuni, árið í fjør var tað ringasta við halli uppá 6 mió kr eftir skatt samanborið við 3,2 mió kr í 2019. Tað hendir hóast bruttovinningurin veksur yvir eina millión krónur. Men starvsfólkakostnaðirnir vaksa við heili fýra milliónum krónum, og tað sær út til at vera høvuðsorsøkin til stóra hallið.
Eginognin er nú negativ við 7,7 mió kr.
Samlaða skuldin var yvir 36 mió kr við árslok í fjør, og rentuberandi parturin kostaði fyritøkuni yvir eina millión krónur.
Høvuðsvirksemið hjá felagnum er framleiðsla og søla av vindeygum úr timbri og vindeygum og hurðum úr plasti.
Í frágreiðingini sigur leiðslan, at kapitaleigararnir hava tikið stig til neyðugt gjaldføri í nýggja árinum.
Jarnhold Nattestad var settur stjóri í juni í ár.
Um tú veitst okkurt, sum VP ikki veit - skriva so til vp@vp.fo