Fleiri granskarar sum stóðu aftanfyri royndir við malariaheilivági ímóti koronavurusi vilja nú ikki kennast við royndirnar.
Tíðarritið The Lancet, sum upprunaliga gav út eina grein um royndirnar, skrivar, at royndirnar ávístu, at heilivágurin hydroxyklorokin økti um vandan hjá sjúklingum fyri at doyggja. Greinin er nú tikin aftur.
- Fleiri ivamál hava stungið seg upp, eitt nú vil felagið Surgisphere, sum stóð fyri at savna inn tøl og data til frágreiðingina, ikki lata onnur uttanfyri standandi um at eftirkanna tølini.
Heimsheilsustovnurin WHO, sum avlýsti heimsumfatandi royndir við hydroxyklorokin eftir at tíðindini bórust av fyrstan tíð, fer nú at taka hesar royndir uppaftur, skriva fleiri miðlar.
Um tú veitst okkurt, sum VP ikki veit - skriva so til vp@vp.fo