- Tað var ov nógv sum ikki bleiv heintað, tá seinasta grindin sum doyði í Leynum varð skift í heimapartar. Tað var fyrr í summar, og tí er væntandi, at sama skilið verður aftur hesaferð, tað sigur Finnbogi Midjord, sýslumaður, við VP, tá spurt verður um grindina sum doyði í Leynum í morgun.
Hann hevur ikki fingið tølini enn men heldur, at einir 100 mans mundu vera í drápinum og at einir hálvtundrað hvalir løgdu beinini.
- Tað er eisini ein møguleiki, at nakað fer til røktarheim og sambýlir og líknandi, leggur sýslumaðurin afturat.
Enn er ikki greitt, nær seðlarnir koma út.
Um tú veitst okkurt, sum VP ikki veit - skriva so til vp@vp.fo