Ein fjøltátta skrá er sett saman fyri at lýsa og kjakast um Grønu Kósina, sum Føroyar er á - ella ikki er á.
Heðin Mortensen setir ráðstevnuna vegna Tórshavnar kommunu, og síðan fylgja innsløg frá Landsstýriskvinnuni í umhvørvismálum, Terja Nielsen og Umhvørvisstovuni. Síðan lýsa Klaksvíkar, Tórshavnar og Eystur kommuna sínar ætlanir um grønu kósina. Eftir hetta umfar av innsløgum verður stutt orðaskifti og fólk úr salinum fáa høvi at seta spurningar.
Eftir døgurða greiða lesandi og starvsfólk á Fróðskaparsetri Føroya frá um Orku og Umhvørvisverkfrøðis útbúgvingini á Setrinum. Eftir hesa framløga sleppa vinnan til orðanna.
H-Dygd, EIK, Martin E. Leo, Reyni Service, Byggitrygd og Magn hava øll hvørt sítt upplegg um hvussu tey síggja Grønu Kósina. Okkurt verður upplýsandi, ímeðan annað er meira atfinningarsamt.
Orðaskifit og spurningar úr salinum, verður eftir hvørt umfar og at enda verður týðandi orðaskifti.
Advent Events fyriskipar Orkuráðstevnuna. Annað hvørt ár er sølumessa og annað hvørt ár er ráðstevna, og ráðstevnan í ár er tann seinna í røðini.
Tilmelding til ráðstevnuna kann gerast via hesa leinkju: trýst her
Um tú veitst okkurt, sum VP ikki veit - skriva so til vp@vp.fo