Nógv fólk í býnum merkir ofta eisini fleiri mál á borðinum hjá løgregluni, og tað var júst soleiðis síðstu nátt.
Tiltakið Voxbotn er í Havn og tí eru nógv fólk stúvaði saman á lutfalsliga lítla plássinum í Vágsbotni, og hóast tað sambært løgregluni sum heild gekk væl, so eru nøkur mál komin burturúr. Eitt nú tí fólk, kanska í fyllskapi, ikki hava dugað sær fólkaskikk og hava brotið skilhaldsreglurnar.
Ein maður er skuldsettur fyri grovan harðskap, eftir at illstøða tók seg upp á einum skonkistaði. Hann gjørdi seg inn á ein annan, sum mátti á skaðastovuna eftir viðferðina.
Um tú veitst okkurt, sum VP ikki veit - skriva so til vp@vp.fo