Svenski umboðsmaðurin finst at svenska ákærumyndugleikanum sum í fjør boðaði frá at sonevndi «Skandiamaðurin», Stig Engström, helst drap svenska forsætismálaráðharran Olof Palme í 1986.
Engström doyði fyri 21 árum síðani, og umboðsmaðurin heldur ákærumyndugleikin átti at gjørt meira fyri at røkt áhugamál hansara.
Ákærumyndugleikin undirstrikaði, at prógvini móti Engström høvdu ikki hildið í rættinum, vísur umboðsmaðurin, Per Lennerbrant, á.
Kortini so var á tíðindafundinum í fjør skapt ein fatan av at Engström var tann seki. Hetta var eitt brot á rættin at vera mettur ósekur til tað øvuta er prógvað, heldur Lennerbrant sambært NRK.
Um tú veitst okkurt, sum VP ikki veit - skriva so til vp@vp.fo