Eitt mystiskt smákøku-formað objekt flýgur gjøgnum okkara sólskipan. Er talan um rúmdarverur?
Amerikanska verjumálaráðið almannakunnger eina frágreiðing um flúgvandi objekt, sum ikki kunnu forklárast. Er tað kanska rúmdarverur?
Sjálvt um tað kunnu vera fleiri frágreiðingar upp á hesi mystisku fyribrigdini, kann ikki útihýsast, at talan kann vera um intelligent lív úr einum fremmandum heimi.
Tað heldur amerikanski Harvard-granskarin Avi Loeb, sum er vorðin kendur í heimspressuni fyri sítt kontroversiella ástøði um rúmdarverur, sum kunnu hava verið á vitjan, uttan at vit vita av tí.
Loeb hevur millum annað argumenterað fyri, at mystiska objektið Oumuamua, sum hevur verið á vitjan í okkara sólskipan, kann vera eitt slag av rúmdarfari frá eini aðrari mentan.
Um tú veitst okkurt, sum VP ikki veit - skriva so til vp@vp.fo