- Tað gevur onga meining at ríku londini nú fara undir at koppseta sínar borgarar við triðja prikinum, tá ein heilur heimspartur er at kalla óvaksineraður.
Tað sigur leiðarin í Heimsheilsustovninum WHO, Tedros Adhanom Ghebreyesus.
Orðini falla samstundis sum mong lond í Europa eins og USA av álvara fyrireika at geva sínum borgarum triðja prikið av koronavaksinu, samstundis sum londini í Afrika undir einum ikki hava koppsett fleiri enn 7 prosent av sínum íbúgvum.
- Tað er amoralskt, órímuligt og órættvíst, og vit fáa ikki steðga sjúkuni um vit bara síggja burtur frá einum heilum heimsparti, har sjúkan bara sleppur at liva víðari. Enntá einum heimsparti, sum hevur sera ringar fortreytir fyri at útvega sær neyðuga koppingarevnið, sigur Tedros Adhanom Ghebreyesus.
WHO viðmælir, at fólk við niðursettari immunverju fáa triðja prikið, men mælir frá at øll fáa tað.
Um tú veitst okkurt, sum VP ikki veit - skriva so til vp@vp.fo