Yvir 1000 hermenn eru framvegis á stálverkinum Azovstal í Mariupol og fleiri hundrað av teimum eru illa særdir.
Myndirnar sum nú verða deildar frá stálverkinum, hevur ein fotografur tikið sum fekk loyvi til tað frá Azov-herdeildini og vísa myndirnar millum annað ukrainskar hermenn, sum hava mist ein arm ella bein, skrivar danska TV 2.
Azov-herdeildin hevur deilt myndirnar á boðtænastuni Telegram saman við einum felags úttalilsi frá illa særdu hermonnunum.
- Allur tann siviliseraði heimurin eigur at síggja umstøðurnar hjá teimum særdu, kryplaðu hermonnunum sum verja Mariupol og eigur at gera okkurt! er millum annað boðskapurin frá ukrainsku hermonnunum.
Um tú veitst okkurt, sum VP ikki veit - skriva so til vp@vp.fo