Ein stórur partur av teimum sum valdu fyrrverandi amerikanska forsetan Donald Trump á forsetavalinum herfyri eru framvegis trúføst ímóti honum. So trúføst, at um hann hevði stovnað ein nýggjan flokk, so høvdu 46% valt tann flokkin heldur enn republikanska flokkin, vísir ein nýggj kanning, sum USA Today kunngerð.
Bara 19% av teimum spurdu halda, at Republikanski flokkurin átti at gjørt seg minni heftan av Donald Trump, og ístaðin fylgt tí tey kalla the establishment - etableraðu kósini hjá flokkinum.
Kanningin varð gjørd í síðstu viku. 1.000 Trump-veljarar vórðu spurdir. Óvissan er 3,1%, skrivar USA Today.
Um tú veitst okkurt, sum VP ikki veit - skriva so til vp@vp.fo