Herborg Torkilsdóttir hevur givið út eitt staklag við heitinum "Innast inni". Lagið er um sløktan kærleika og vónina um, at hesin kann byrtast aftur. Herborg Torkilsdóttir hevur skrivað orð og lag og Danny Beck úr Manchester, sum eisini framleiddi hittið "Náttin var okay", hevur framleitt.
Rakul Petersen syngur kór og Bartal Augustinussen hevur upptikið vokalar.
Sangurin hevur verið spældur live til fleiri konsertir og upptraðkanir tey seinastu 2 árini, seinast á Café Fríðu ì Klaksvík í vikuskiftinum, til eina útselda konsert við Herborg Torkilsdóttir og Tinganest.
Konsertin í Klaksvík var byrjunarskotið uppá eina forkunnuga konsertrøð við Herborg Torkilsdóttir við bólki og Tinganest. Næsta konsertin verður í Salt tann 26. mars, og á Reinsarínum fara tey á pall tann 21. mai.
Um tú veitst okkurt, sum VP ikki veit - skriva so til vp@vp.fo
