Føroyskir journalistar, serliga onkur sum hevur stillað upp fyri Tjóðveldi, kalla semingsroyndina í gjárkvøldið hjá tíðindaleiðaranum í Kringvarpinum, fyri "konstruktivan journalistikk".
Okkurt skal jú barnið eita!
Og spurningurin er so um Kringvarpið klárar at halda seg til "óheftan konstruktivan journalistikk", sum public-service stovnurin ikki higartil hevur megnað, heldur ikki í semingsroyndini hjá tíðindaleiðaranum.
Fólkaflokkurin skrivar á sínum Facebook-vanga at samráðingarnar hjá landsstýrismanninum í Fiskivinnumálum, Høgna Hoydal, hava verið sera óprofessionellar.
- Einki skrivligt tilfar varð útflýggjað. Fundast varð dag og dagliga uttan landsstýrismaðurin flutti seg tumman.
- Høgni Hoydal hevur ongantíð gjørt eina breiða semju. Og tað er ikki líkt til at tað kemur at henda.
- Men ráð vóru fyri tí, tá Liljan Weihe, tíðindaleiðari í KVF, virkaði sum samráðingarleiðari millum samgonguna og Sambandsflokkin, skrivar Fólkaflokkurin, sum hevur gjørt hesa video.
Hetta er ein oddagrein. VP hevur frælslynta sjónargrein, sum stundum kemur til sjóndar í oddagreinunum.
Um tú veitst okkurt, sum VP ikki veit - skriva so til vp@vp.fo
